ក្រុមសមាជិកសភាអាស៊ាន អំពាវនាវជាថ្មីឲ្យដោះលែង លោក កឹម សុខាប្រធានគណបក្សសង្គ្រោះជាតិ មុនបោះឆ្នោតជាតិនៅថ្ងៃទី២៩ខែកក្កដាខាងមុខ។ប្រធានអង្គការអន្តរសភាអាស៊ានលោក ឆាល សាន់ទីយ៉ាហ្គោ(Charles Santiago)កាលពីថ្ងៃសុក្រអះអាងថាសមាជិកសភាពីបណ្តាប្រទេសអាស៊ាន បារម្ភចំពោះការឃុំខ្លួនលោក កឹម សុខា ពី ព្រោះដោយសារតែហេតុផលនយោបាយ។ ពួកគេទាមទារឲ្យមានការដោះលែងលោក កឹមសុខា ជាបន្ទាន់ដើម្បីអាចឲ្យលោកវិលមកចូលរួមឆាកនយោបាយឡើងវិញ។ លោកឆាលសាន់ទីយ៉ាហ្គោ(Charles Santiago)បន្តថាការប្រឌិត បទចោទដើម្បីចាប់ខ្លួនលោកកឹមសុខាគឺបង្ហាញឲ្យឃើញកាន់តែច្បាស់ ថាតុលាការគឺជាឧបករណ៍នយោបាយរបស់លោក ហ៊ុន សែន ក្នុងការបំបិទសំឡេងប្រឆាំង។លោកបន្ថែមទៀតថា គណបក្សកាន់អំណាច ដែលដឹកនាំដោយលោក ហ៊ុន សែន កំពុងប្លន់អំណាចពីគណបក្សប្រឆាំងតាមរយៈការរម្លាយគណបក្សសង្គ្រោះជាតិ ចោលទាំងស្រុង ហើយបន្តធ្វើទុក្ខបុកម្នេញលើតំណាងរាស្រ្តនិងមន្រ្តីជាន់ខ្ពស់គណបក្សនេះ។ មិនតែប៉ុណ្ណោះ គណបក្សប្រជាជនកម្ពុជាបន្តប្រើប្រាស់តុលាការជាឧបករណ៍ដើម្បីបង្ក្រាបសំឡេងប្រឆាំងឥតឈប់ឈរ។លោក ឆាល សាន់ទីយ៉ាហ្គោ(Charles Santiago)បញ្ជាក់ថាវិបត្តិនយោបាយនៅកម្ពុជា នឹងមិនអាចផុតរលត់បាននោះឡើយ ប្រសិនបើ លោក ហ៊ុន សែន មិនដោះលែងលោក កឹម សុខា និង លុបចោលសេចក្តីសម្រេចរម្លាយគណបក្សប្រឆាំងនោះ៕
Latest
នាយករដ្ឋមន្ត្រីអ៊ីស្រាអែល សច្ចាវាយបកទៅលើអ៊ីរ៉ង់វិញដើម្បីការពារខ្លួន ស្របពេលអាមេរិកនិងបស្ចិមប្រទេសឱ្យបន្តអត់ធ្មត់ក្ដី
នាយករដ្ឋមន្ត្រីនៃប្រទេសអ៊ីស្រាអែល Benjamin Netanyahu សច្ចាថានឹងត្រូវតែវាយសងសឹកលើអ៊ីរ៉ង់ វិញ ដែលថាជាការវាយការពារខ្លួន។
លោក Netanyahu បានបញ្ជាក់ថា បើទោះក្រុមសម្ព័ន្ធមិត្តអ៊ីស្រាអែល មានទាំងសហរដ្ឋអាមេរិក និងក្រុមបស្ចិមប្រទេសមួយចំនួនបញ្ចុះបញ្ចូលឱ្យអ៊ីស្រាអែល បន្តអត់ធ្មត់ក៏ដោយ ក៏វាយបកវិញរបស់អ៊ីស្រាអែល ត្រូវតែធ្វើ ប៉ុន្តែមេដឹកនាំអ៊ីស្រាអែលរូបនេះមិនបានបញ្ជាក់ពេលវេលានៃការវាយបកវិញទៅលើប្រទេសអ៊ីរ៉ង់ នៅពេលណា ហើយវាយប្រហារដោយប្រើអាវុធអ្វីខ្លះនោះទេ។
សហរដ្ឋអាមេរិក សហភាពអឺរ៉ុប និងក្រុមប្រទេសឧស្សាហកម្ម G-7 ស្នើឱ្យអ៊ីស្រាអែល កុំវាយសងសឹកអ៊ីរ៉ង់ អី ពីព្រោះវានឹងនាំទៅរកសង្គ្រាមដ៏ធំធេងរវាងប្រទេសទាំងពីរ...