TAG
យ៉ង សាំងកុមារ
ក្រសួងកសិកម្មច្រានចោលព័ត៌មានដែលថាក្រសួងមិនជួយដោះស្រាយការធ្លាក់ចុះតម្លៃស្រូវកសិករ
ក្រសួងកសិកម្ម ច្រានចោលការបង្ហោះព័ត៌មាននៅលើបណ្ដាញសង្គមមួយចំនួនដែលរិះគន់ថា ក្រសួងមិនបានអើពើរកដំណោះស្រាយជូនកសិករ។ ក្រសួងមួយនេះអំពាវនាវឱ្យពលរដ្ឋក្នុងបណ្ដាញសង្គម បញ្ឈប់បង្ហោះព័ត៌មានមិនពិត បង្កការព្រួយបារម្ភដល់កសិករដែលមិនទាន់ប្រមូលផល ឱ្យប្រញាប់ប្រមូលស្រូវរបស់ពួកគេទាំងមិនទាន់គ្រប់គុណភាពដើម្បីលក់ បណ្ដាលឱ្យតម្លៃស្រូវធ្លាក់ចុះថែមទៀត។
សេចក្តីប្រកាសព័ត៌មានរបស់ក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី១៥ ខែវិច្ឆិកា ឲ្យដឹងថា ក្រសួងបានដឹងរួចហើយអំពីការធ្លាក់ចុះនៃតម្លៃស្រូវនៅពេលនេះ ប៉ុន្តែក្រសួងក៏បានបញ្ជូនក្រុមការងារគោលដៅចុះទៅមូលដ្ឋានខេត្តបាត់ដំបង និងខេត្តបន្ទាយមានជ័យ ដើម្បីពិនិត្យបញ្ហាជាក់ស្ដែង និងរកដំណោះស្រាយឱ្យបានសមស្របនៅនឹងកន្លែងជូនប្រជាកសិករ ក្នុងពេលប្រមូលផលស្រូវនៅពេលនេះហើយដែរ។
ក្រសួងកសិកម្មអះអាងថា ពេញមួយខែវិច្ឆិកា រហូតដល់ពាក់កណ្តាលខែធ្នូ គឺជាពេលវេលាប្រមូលផលស្រូវរដូវវស្សា ជាពិសេសប្រភេទពូជស្រូវផ្ការំដួល ដែលជាហេតុធ្វើឱ្យរោងម៉ាស៊ីនកិនស្រូវកំពុងកកស្ទះ...
GDP ព្រមានថាការបង្កជម្លោះរវាងលោក ហ៊ុន សែន និងលោក សម រង្ស៊ី ធ្វើឱ្យខូចប្រយោជន៍ជាតិ
មន្ត្រីជាន់ខ្ពស់របស់គណបក្សប្រជាធិបតេយ្យមូលដ្ឋាន (GDP) អះអាងថា ការបង្កជម្លោះឆ្លើយឆ្លងគ្នារវាងមេដឹកនាំបក្សកាន់អំណាច លោក ហ៊ុន សែន និងអតីតមេដឹកនាំប្រឆាំង លោក សម រង្ស៊ី រហូតយកព្រះមហាក្សត្រមកដាក់ក្នុងជម្លោះរបស់ពួកគេ គឺជាទង្វើដែលនាំឱ្យខូចដល់ប្រយោជន៍ជាតិធ្ងន់ធ្ងរ ខណៈកម្ពុជាកំពុងជាប់គាំងដោយវិបត្តិស្អេកស្កះ។
ប្រធានគណៈកម្មាធិការនាយកគណបក្សប្រជាធិបតេយ្យមូលដ្ឋាន បណ្ឌិត យ៉ង សាំងកុមារ បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily...
រដ្ឋមន្ត្រីកសិកម្មថ្មីមានមោទកភាពដែលកម្ពុជាទទួលសិទ្ធិនាំចេញផ្លែមៀនស្រស់ទៅទីផ្សារចិន
រដ្ឋមន្ត្រីក្រសួងកសិកម្ម សម្ដែងនូវមោទកភាពដែលកម្ពុជាទទួលបានសិទ្ធិនាំចេញផ្លែមៀនស្រស់ទៅកាន់ទីផ្សារចិន គឺជាការបោះជំហានទៅមុខយ៉ាងវែងសម្រាប់កម្ពុជា លើវិស័យអភិវឌ្ឍកសិកម្មដើម្បីរួមចំណែកដល់ការអភិវឌ្ឍវិស័យកសិកម្មរបស់កម្ពុជាទៅថ្ងៃអនាគត។
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក ឌិត ទីណា បានលើកឡើងក្នុងពិធីសម្ពោធនាំចេញផ្លែមៀនទៅកាន់ប្រទេសចិន នៅថ្ងៃទី២៧ ខែតុលា ឆ្នាំ២០២២ នេះថា ការទទួលបានសិទ្ធិនាំចេញផ្លែមៀនស្រស់របស់កម្ពុជាជាផ្លូវការទៅកាន់ប្រទេសចិន គឺជាការបោះជំហានទៅមុខយ៉ាងវែងសម្រាប់កម្ពុជា លើវិស័យអភិវឌ្ឍកសិកម្ម ក្រោយការចរចាលក្ខខណ្ឌអនាម័យ។
លោក ឌិត ទីណា លើកឡើងថា ការសម្រេចបាននូវការនាំចេញផ្លែមៀនស្រស់របស់កម្ពុជានៅពេលនេះ គឺជាជោគជ័យថ្មីមួយដែលកើតចេញពីកិច្ចសហប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា-ចិន ដែលនឹងចូលរួមចំណែកយ៉ាងសំខាន់ដល់ការអភិវឌ្ឍវិស័យកសិកម្ម...
GDP ជំរុញរដ្ឋាភិបាលអនុវត្តច្បាប់ឱ្យអាជ្ញាធរទទួលខុសត្រូវក្នុងការបង្ក្រាបល្បែងស៊ីសង
មន្ត្រីជាន់ខ្ពស់គណបក្សក្រៅរដ្ឋាភិបាល ជំរុញឱ្យរដ្ឋាភិបាលកម្ពុជាត្រួតពិនិត្យលើការងារមន្ត្រីក្រោមឱវាទរបស់ខ្លួនឱ្យបានហ្មត់ចត់ ដើម្បីជំរុញឱ្យពួកគេទទួលខុសត្រូវលើដែនសមត្ថកិច្ចរបស់ខ្លួន បន្ទាប់ពីការស្រាវជ្រាវបានរកឃើញថា ១១ខេត្តក្នុងចំណោមរាជធានី-ខេត្តទាំង២៥ បានកើតមាននូវទីតាំងល្បែងស៊ីសងខុសច្បាប់ជាង ១ម៉ឺនទីតាំង។
ប្រធានគណៈកម្មាធិការនាយកគណបក្សប្រជាធិបតេយ្យមូលដ្ឋាន (GDP) បណ្ឌិត យ៉ង សាំងកុមារ បានប្រាប់សារព័ត៌មាន The Cambodia Daily នៅថ្ងៃទី១៧ តុលា នេះថា ការលេចចេញនូវទីតាំងល្បែងស៊ីសងខុសច្បាប់ដ៏ច្រើនលើសលប់បែបនេះ បានបង្ហាញយ៉ាងច្បាស់ថា គោលនយោបាយរបស់រដ្ឋាភិបាលកម្ពុជាស្ដីពីភូមិ-ឃុំមានសុវត្ថិភាព គឺនៅតែមិនទាន់អាចអនុវត្តបាននៅឡើយ ក្នុងនោះក៏បង្ហាញពីការមិនទទួលខុសត្រូវ ឬការមិនអនុវត្តច្បាប់របស់មន្ត្រីមូលដ្ឋានរបស់គណបក្សនេះផងដែរ។
បណ្ឌិត...
រដ្ឋសភាឯកបក្សបោះឆ្នោតគាំទ្រជាឯកច្ឆន្ទឱ្យលោក ឌិត ទីណា ធ្វើរដ្ឋមន្ត្រីក្រសួងកសិកម្ម
រដ្ឋសភាឯកបក្សរបស់គណបក្សប្រជាជនកម្ពុជា បានបោះឆ្នោតគាំទ្រជាឯកច្ឆន្ទក្រោមសំឡេង ១១១លើ១១១សំឡេង ឲ្យលោក ឌិត ទីណា កូនប្រុសបង្កើតរបស់លោក ឌិត មុន្ទី ប្រធានតុលាការកំពូលធ្វើជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។
រដ្ឋសភាឯកបក្សរបស់បក្សកាន់អំណាច បានបើកកិច្ចប្រជុំពេញអង្គនៅថ្ងៃទី១៤ ខែតុលា ឆ្នាំ២០២២ នេះ ដែលសមាជិករដ្ឋសភាសរុប ១១១រូប ក្នុងនោះក៏មានការចូលរួមពីមេដឹកនាំបក្សកាន់អំណាចលោក ហ៊ុន សែន ផងដែរ បានបោះឆ្នោតផ្តល់សេចក្តីទុកចិត្តលើបេក្ខភាពលោក ឌិត...
GDP ជំរុញឱ្យរដ្ឋាភិបាលជួយពលរដ្ឋរងគ្រោះដោយទឹកជំនន់តាមរយៈជួយសម្រួលសងធនាគារ
មន្ត្រីជាន់ខ្ពស់គណបក្សប្រជាធិបតេយ្យមូលដ្ឋាន (GDP) ជំរុញឲ្យរដ្ឋាភិបាលអនុវត្តចំណាត់ការក្នុងការជួយទំនុកបម្រុងពលរដ្ឋដែលរងគ្រោះដោយទឹកជំនន់ តាមរយៈការជួយសម្រួលសងធនាគារ និងផ្តល់ទុនបន្ថែមដើម្បីស្ដារមុខរបរកសិកម្មរបស់ពួកគាត់។
ប្រធានគណៈកម្មាធិការនាយកគណបក្សប្រជាធិបតេយ្យមូលដ្ឋាន បណ្ឌិត យ៉ង សាំងកុមារ ប្រាប់សារព័ត៌មាន The Cambodia Daily នៅថ្ងៃទី១០ តុលា នេះថា រដ្ឋាភិបាលគួរតែសិក្សាពីការលំបាករបស់ពលរដ្ឋដែលរងគ្រោះដោយសារទឹកជំនន់ឲ្យបានលម្អិតជាងនេះ ព្រោះថាពលរដ្ឋទាំងនោះភាគច្រើនមិនមែនប្រើប្រាស់ថវិកាផ្ទាល់ខ្លួនដែលមានស្រាប់ ដើម្បីធ្វើកសិកម្មនោះទេ ដូចជាការទិញជី ការទិញថ្នាំសម្លាប់សត្វល្អិត ការទិញពូជស្រូវ និងការភ្ជួររាស់ដី គឺពួកគេភាគច្រើនបានខ្ចីលុយពីធនាគារមកប្រើប្រាស់ ខណៈកសិករខ្លះទៀតបានជំពាក់ឈ្មួញទាំងស្រុងតែម្តង...
អ្នកឃ្លាំមើលថាផែនការរួបរួមរបស់បក្សក្រៅរដ្ឋាភិបាលនឹងបរាជ័យដោយសារគំនិតទុច្ចរិតរបស់បក្សភ្លើងទៀន
ក្រុមអ្នកឃ្លាំមើលសង្គម អះអាងថា ផែនការរួបរួមរបស់គណបក្សក្រៅ រដ្ឋាភិបាលដែលប្រកាសចងសម្ពន្ធភាពរួបរួមកម្លាំង ដើម្បីប្រកួតប្រជែងជាមួយបក្សកាន់អំណាចសម្រាប់ការបោះឆ្នោតជាតិឆ្នាំ២០២៣ ខាងមុខនេះ នឹងបរាជ័យដោយសារគំនិតទុច្ចរិតរបស់គណបក្សភ្លើងទៀន ដែលមានប្រវត្តិជាដៃគូសហការមិនស្មោះត្រង់។
អនុប្រធានវេទិកាពលរដ្ឋ លោក ម៉ែន ណាត បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃទី៤ ខែតុលា ឆ្នាំ២០២២ ថា ប្រសិនបើការចងសម្ព័ន្ធនេះមានភាពស្មោះត្រង់ជាមួយគ្នាដោយមិនមានគណបក្សណាមួយក្បត់ដៃគូរបស់ខ្លួន នោះផែនការនៃការរួបរួមប្រាកដជានឹងមានលទ្ធផលល្អ...
GDP បន្តបង្កើនសហការគណបក្សបីបន្ថែមទៀតមុនការចូលរួមបោះឆ្នោតជាតិឆ្នាំ២០២៣
គណបក្សប្រជាធិបតេយ្យមូលដ្ឋាន (GDP) សម្រេចដាក់ផែនការបង្កើនការសហការគ្នារវាងគណបក្សក្រៅរដ្ឋាភិបាលឱ្យបាន ៣គណបក្សបន្ថែមទៀត ដើម្បីឲ្យគ្រប់ចំនួន ៧គណបក្ស មុនការចូលរួមបោះឆ្នោតជាតិនៅឆ្នាំ២០២៣ ខាងមុខនេះ។
ប្រធានគណៈកម្មាធិការនាយកគណបក្សប្រជាធិបតេយ្យមូលដ្ឋាន បណ្ឌិត យ៉ង សាំងកុមារ បានប្រាប់សារព័ត៌មាន The Cambodia Daily នៅថ្ងៃទី១៩ កញ្ញា នេះថា ក្រុមរបស់លោកនឹងសម្របសម្រួលឲ្យមានការសហការគ្នាឲ្យបានគណបក្សចំនួន៧ ឆ្ពោះទៅរកគោលដៅតែមួយ ក្រោមគោលការណ៍ចែកមណ្ឌលគ្នាដើម្បីប្រមូលសំឡេងឆ្នោតដែលពលរដ្ឋម្ចាស់ឆ្នោតធ្លាប់គាំទ្រខ្លួន ប៉ុន្តែត្រូវបានគេបោះបង់ចោលដោយសារតែសំឡេងមិនគ្រប់ចំនួនក្នុងការទទួលបានអាសនៈក្នុងរដ្ឋសភា សម្រាប់ធ្វើជាតំណាងរបស់ពលរដ្ឋនាពេលកន្លងមក។
លោកបន្តថា ការបង្កើតសម្ព័ន្ធភាពរវាងគណបក្សក្រៅរដ្ឋាភិបាលនឹងគ្មានប្រយោជន៍ទេ...
លោក ស ខេង ថាការបោះឆ្នោតនៅកម្ពុជាស្របតាមគោលការណ៍ប្រជាធិបតេយ្យជានិច្ច
អនុប្រធានបក្សកាន់អំណាច លោក ស ខេង អះអាងថា ការបោះឆ្នោតនៅកម្ពុជាពីមួយអាណត្តិទៅមួយអាណត្តិស្របតាមគោលការណ៍ប្រជាធិបតេយ្យជានិច្ច និងប្រព្រឹត្តទៅដោយគ្មានអំពើហិង្សា ហើយពលរដ្ឋបានចូលរួមដោយសេរី។
រដ្ឋមន្ត្រីក្រសួងមហាផ្ទៃ លោក ស ខេង បានលើកឡើងក្នុងជំនួបជាមួយអ្នករាយការណ៍ពិសេសសិទ្ធិមនុស្សរបស់អង្គការសហប្រជាជាតិប្រចាំនៅកម្ពុជា លោក វីទិត ម៉ុនតាប៊ន កាលពីថ្ងៃទី២៤ ខែសីហា ឆ្នាំ២០២២ ថា កម្ពុជាតែងអនុវត្តយ៉ាងខ្ជាប់ខ្ជួននូវសិទ្ធិពលរដ្ឋ និងសិទ្ធិនយោបាយដែលមានចែងក្នុងរដ្ឋធម្មនុញ្ញរបស់ខ្លួន ក្នុងនោះ កម្ពុជាបានអនុវត្តនូវការបោះឆ្នោតយ៉ាងទៀងទាត់ ទាំងការបោះឆ្នោតជ្រើសរើសក្រុមប្រឹក្សាឃុំ-សង្កាត់...
បក្សនយោបាយបួនទាមទារកែលំអប្រព័ន្ធបោះឆ្នោតនិងសេរីភាពនយោបាយនៅកម្ពុជា
គណបក្សក្រៅរដ្ឋាភិបាលចំនួន៤ គ្រោងដាក់លិខិតទៅកាន់គណៈកម្មាធិការជាតិរៀបចំការបោះឆ្នោត (គ.ជ.ប) និងក្រសួងមហាផ្ទៃ ក្នុងសប្តាហ៍នេះ ដើម្បីទាមទារឱ្យមានការកែលំអប្រព័ន្ធបោះឆ្នោត និងសេរីភាពនយោបាយនៅកម្ពុជា មុនការបោះឆ្នោតជាតិឆ្នាំ២០២៣ មកដល់។
គណបក្សប្រជាធិបតេយ្យមូលដ្ឋាន (GDP) បានសរសេរលើទំព័រហ្វេសប៊ុករបស់ខ្លួនកាលពីថ្ងៃទី១៥ ខែសីហា ឆ្នាំ២០២២ ថា គណបក្សចំនួន៤ ដែលនឹងទាមទារឱ្យមានការកែលំអប្រព័ន្ធបោះឆ្នោត និងសេរីភាពនយោបាយនៅកម្ពុជា រួមមាន៖
គណបក្សភ្លើងទៀនគណបក្សប្រជាធិបតេយ្យមូលដ្ឋានគណបក្សឆន្ទៈខ្មែរនិងគណបក្សកែទម្រង់កម្ពុជា។
គណបក្សទាំង៤ បានឯកភាពគ្នាហើយក្នុងយុទ្ធនាការទាមទារឱ្យមានការកែលំអប្រព័ន្ធបោះឆ្នោត និងសេរីភាពនយោបាយនៅកម្ពុជាមុននឹងការបោះឆ្នោតជាតិឆ្នាំ២០២៣ មកដល់។
ប្រធានគណៈកម្មាធិការនាយកគណបក្សប្រជាធិបតេយ្យមូលដ្ឋាន បណ្ឌិត យ៉ង សាំងកុមារ...