27 C
Phnom Penh

TAG

វិបត្តិ​នយោបាយ

មន្ត្រី​ជាន់ខ្ពស់​បក្ស​ខ្មែរ​ស្រឡាញ់​ជាតិ​ថា​ការរើសអើង​នយោបាយ​មិនទាន់​អាច​បំបាត់​បាន​នៅឡើយ​ទេ

មន្ត្រី​ជាន់ខ្ពស់​របស់​បក្ស​ក្រៅ​រដ្ឋាភិបាល​មួយ លើកឡើង​ថា សកម្មភាព​នៃ​ការ​បំផ្លិចបំផ្លាញ​ស្លាក​សញ្ញា​គណបក្ស​ខ្មែរ​ស្រឡាញ់​ជាតិ បាន​បង្ហាញ​ឲ្យ​ឃើញ​ពី​ការរើសអើង​នយោបាយ​នៅ​កម្ពុជា ដែល​បាន​បន្ត​ពី​អតីតកាល​មក​មិនទាន់​អាច​បំបាត់​បាន​នៅឡើយ។ អនុប្រធាន​គណបក្ស​ខ្មែរ​ស្រឡាញ់​ជាតិ លោក កង គឹមហាក់ បាន​ប្រាប់​សារព័ត៌មាន The Cambodia Daily នៅ​ថ្ងៃ​ទី​២ ខែ​សីហា ឆ្នាំ​២០២១ ថា ការ​បណ្តែត​បណ្តោយ​ឲ្យ​មាន​សកម្មភាព​កាប់​បំផ្លាញ​ស្លាក​សញ្ញា​គណបក្ស​ក្រៅ​រដ្ឋាភិបាល​ដោយ​មិន​មាន​ការ​អន្តរាគមន៍​ពី​អាជ្ញាធរ​មូលដ្ឋាន ដែល​ជា​ការ​បង្ហាញ​ឲ្យ​ឃើញ​នូវ​ការរើសអើង ការ​បំភិតបំភ័យ​ផ្នែក​នយោបាយ​យ៉ាង​ធ្ងន់ធ្ងរ​នៅ​កម្ពុជា តាំងពី​អតីតកាល​រហូត​ដល់​សព្វថ្ងៃ​នេះ។ លោក​អះអាង​ថា សកម្មភាព​ដែល​បាន​ប្រព្រឹត្ត​ផ្ទុយពី​ផ្លូវ​ច្បាប់​បែប​នេះ គឺជា​ការប្រមាថ​ទៅ​ដល់​ស្ថាប័ន​កំពូល​របស់​រដ្ឋាភិបាល គឺ​ក្រសួង​មហាផ្ទៃ​ទាំងស្រុង​ដែល​បាន​ចេញ​លិខិត​អនុញ្ញាត​ឲ្យ​គណបក្ស​ខ្មែរ​ស្រឡាញ់​ជាតិ អាច​ធ្វើ​សកម្មភាព​នយោបាយ​ទូទាំង​ប្រទេស...

មន្ត្រី​កម្ពុជា​ចាត់ទុក​ជំនួយ​មនុស្សធម៌​របស់​ប្រទេស​ជា​មិត្ត​ជា​ការ​ប្រកួត​ប្រជែង​ដណ្តើម​ឥទ្ធិពល​នយោបាយ​ក្នុង​តំបន់

មន្ត្រី​ជាន់ខ្ពស់​របស់​រដ្ឋាភិបាល​កម្ពុជា អះអាង​ថា ប្រទេស​មហាអំណាច​មាន​តែ​ប្រកួតប្រជែង​គ្នា​ក្នុង​ការ​ជួយ​ដល់​ប្រទេស​តូចតាច​ទន់ខ្សោយ​ប៉ុណ្ណោះ ទើប​ជា​វិធានការ​សមស្រប និង​មាន​ប្រសិទ្ធភាព ជាពិសេស​ក្នុង​បរិបទ​នយោបាយ​អន្តរជាតិ​ពហុ​ប៉ូល និង​ការប្រកួតប្រជែង​ដណ្តើម​អំណាច និង​ឥទ្ធិពល​ភូមិសាស្ត្រ​នយោបាយ​ក្នុង​តំបន់​នា​ពេល​បច្ចុប្បន្ន​នេះ។ លោក ជិន ម៉ាលីន អ្នក​នាំពាក្យ​ក្រសួង​យុត្តិធម៌ បាន​លើក​បែប​នេះ គឺ​បន្ទាប់ពី​ប្រទេស​កម្ពុជា​ទទួល​ជំនួយ​មនុស្សធម៌​ជា​វ៉ាក់សាំង​ប្រឆាំង​វីរុស Covid-19 ពី​ប្រទេស​លោកសេរី​សម្រាប់​កម្ពុជា​ជា​បន្តបន្ទាប់​ក្នុង​ពេល​ថ្មីៗ​នេះ។ អ្នក​នាំពាក្យ​ក្រសួង​យុត្តិធម៌ លោក ជិន ម៉ាលីន បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​២៩ ខែ​កក្កដា ឆ្នាំ​២០២១ ថា...

គណៈកម្មាធិការ​កិច្ចការ​បរទេស​អាមេរិក​អនុម័ត​សេចក្តី​ព្រាង​ច្បាប់​ដាក់​ទណ្ឌកម្ម​រដ្ឋាភិបាល​កម្ពុជា

គណៈកម្មាធិការ​កិច្ចការ​បរទេស​នៃ​សភា​សហរដ្ឋ​អាមេរិក បាន​អនុម័ត​សេចក្តី​ព្រាង​ច្បាប់​ដែល​មាន​ចំណងជើង​ថា «លទ្ធិប្រជាធិបតេយ្យ​សម្រាប់​ប្រទេស​កម្ពុជា (Cambodia Democracy Act) ឬ​ហៅ​កាត់​ថា H.R.» ដើម្បី​ដាក់​ទណ្ឌកម្ម​លើ​រដ្ឋាភិបាល​លោក ហ៊ុន សែន ដែល​កំពុង​បំផ្លាញ​លទ្ធិប្រជាធិបតេយ្យ​នៅ​កម្ពុជា​ក្នុង​ពេល​បច្ចុប្បន្ន​នេះ។ ការ​អនុម័ត​សេចក្តី​ព្រាង​ច្បាប់​នេះ ធ្វើឡើង​ស្រប​ពេល​ដែល​រដ្ឋាភិបាល​ឯក​បក្ស​ដែល​ដឹកនាំ​ដោយ​គណបក្ស​កាន់​អំណាច​របស់​លោក ហ៊ុន សែន កំពុង​រំលោភ​លើ​សិទ្ធិ​ជា​មូលដ្ឋាន​របស់​ពលរដ្ឋ និង​ជាន់​ឈ្លី​ប្រជាធិបតេយ្យ​នៅ​កម្ពុជា​យ៉ាង​ធ្ងន់ធ្ងរ។ សមាជិក​រដ្ឋសភា​មកពី​គណបក្ស​សាធារណរដ្ឋ លោក Steve Chabot និង​លោក Alan Lowenthal ខាង​គណបក្ស​ប្រជាធិបតេយ្យ...

មន្ត្រី​ជាន់ខ្ពស់​បក្ស​ខ្មែរ​ស្រឡាញ់​ជាតិ​អំពាវនាវ​ឲ្យ​អតីត​មន្ត្រី​បក្ស​សង្គ្រោះ​ជាតិ​ចូល​តុ​ជជែក​គ្នា​ដើម្បី​រួម​កម្លាំង​តែ​មួយ

មន្ត្រី​ជាន់ខ្ពស់​គណបក្ស​ខ្មែរ​ស្រឡាញ់​ជាតិ អំពាវនាវ​ឲ្យ​អតីត​មន្ត្រី​គណបក្ស​សង្គ្រោះ​ជាតិ ដែល​ចេញ​ទៅ​បើក​បក្ស​នយោបាយ​ថ្មីៗ ឲ្យ​ចូល​តុ​ជជែក​គ្នា​រក​ការ​រួបរួម​ជា​កម្លាំង​នយោបាយ​ដ៏​ស្មោះត្រង់​ធំ​មួយ ដើម្បី​ទៅ​យក​តួនាទី​មេឃុំ និង​ក្រុមប្រឹក្សា​ឃុំ-សង្កាត់​ដែល​ត្រូវ​គេ​រំលាយ​កាលពី​ពេល​កន្លង​ទៅ​ជូន​ប្រជាពលរដ្ឋ​វិញ។ អគ្គហេរញ្ញិក​គណបក្ស​ខ្មែរ​ស្រឡាញ់​ជាតិ លោក សៀវ វិសុទ្ធ បាន​ប្រាប់​សារព័ត៌មាន The Cambodia Daily នៅ​ថ្ងៃ​ទី​២៧ ខែ​កក្កដា ថា មកដល់​ពេល​នេះ គណបក្ស​ខ្មែរ​ស្រឡាញ់​ជាតិ បាន​សាង​កម្លាំង​នយោបាយ​ដ៏​រឹងមាំ​មួយ​តាមរយៈ​នៃ​ការ​ចងក្រង​បណ្ដាញ​សកម្មជន​មូលដ្ឋាន​របស់​អតីត​គណបក្ស​សង្គ្រោះ​ជាតិ ស្ទើរតែ​គ្រប់​ខេត្ត-ក្រុង​ទៅ​ហើយ។ លោក​អះអាង​ថា ក្នុង​ពេល​បច្ចុប្បន្ន​នេះ​មាន​តែ​គណបក្ស​ខ្មែរ​ស្រឡាញ់​ជាតិ​ប៉ុណ្ណោះ ដែល​មាន​ការចូលរួម​ពី​អតីត​មន្ត្រី​គណបក្ស​សង្គ្រោះ​ជាតិ តាំងពី​ថ្នាក់​ជាតិ​រហូត​ដល់​មូលដ្ឋាន ខណៈ​គណបក្ស​ដែល​បាន​បង្កើត​ថ្មីៗ​ដោយ​អតីត​មន្ត្រី​បក្ស​ប្រឆាំង​ផ្សេងទៀត​នៅ​មិនទាន់​មាន​កម្លាំង​ចូលរួម​គ្រប់គ្រាន់​នៅឡើយ។ លោក...

សកម្មជន​បក្ស​ប្រឆាំង​នៅ​កូរ៉េ​ខាងត្បូង​ថា​ស្ថានភាព​នយោបាយ​អតីត​មេដឹកនាំ​បក្ស​ប្រឆាំង​ពេល​នេះ​ដូច​ទូក​កំពុងតែ​កល់​លើ​ថ្ម

សកម្មជន​នយោបាយ​គណបក្ស​សង្គ្រោះ​ជាតិ នៅ​ប្រទេស​កូរ៉េ​ខាងត្បូង លើកឡើង​ថា ស្ថានភាព​នយោបាយ​អតីត​មេដឹកនាំ​បក្ស​ប្រឆាំង លោក សម រង្ស៊ី នៅ​ពេល​នេះ គឺ​ដូចជា​ទូក​កំពុងតែ​កល់​លើ​ថ្ម ទៅ​មុខ​មិន​រួច ថយ​ក្រោយ​មិនបាន​ដូច្នោះ​ដែរ។ យុវជន​គណបក្ស​សង្គ្រោះ​ជាតិ ប្រចាំ​ប្រទេស​កូរ៉េ​ខាងត្បូង លោក មាស ពិសាល បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​២៧ ខែ​កក្កដា ឆ្នាំ​២០២១ ថា កាលពីមុន អន្តរជាតិ​តែង​គាំទ្រ​នយោបាយ​របស់​អតីត​ប្រធាន​គណបក្ស​សង្គ្រោះ​ជាតិ លោក...

ក្រុម​អ្នក​តស៊ូ​មតិ៖ មេដឹកនាំ​កម្ពុជា​តែង​បង្ហាញ​ឲ្យ​ឃើញ​ពី​សមានចិត្ត​ទំនាក់ទំនង​ល្អ​ជាមួយ​ប្រទេស​កុម្មុយនីស្ត​ជាជាង​ប្រទេស​លោកសេរី

បញ្ញវន្ត​ខ្មែរ​នៅ​ក្រៅ​ស្រុក លើកឡើង​ថា មេដឹកនាំ​កម្ពុជា​តែង​បង្ហាញ​ឲ្យ​ឃើញ​ពី​សមានចិត្ត​ល្អ​ក្នុង​ទំនាក់ទំនង​ការទូត​ជាមួយ​ប្រទេស​កុម្មុយនីស្ត ជាជាង​ប្រទេស​លោកសេរី​ដែល​តែង​ជំរុញ​ឲ្យ​មាន​ការ​គោរព​សិទ្ធិមនុស្ស និង​លទ្ធិប្រជាធិបតេយ្យ​ជាដើម។ ប្រធាន​ក្រុមប្រឹក្សា​ឃ្លាំមើល​កម្ពុជា និង​ជា​ប្រធាន​ក្រុមប្រឹក្សាភិបាល​នៃ​ចលនា​និស្សិត​ដើម្បី​លទ្ធិប្រជាធិបតេយ្យ លោក ម៉ែន ណាត បាន​ប្រាប់​សារព័ត៌មាន The Cambodia daily នៅ​ថ្ងៃ​ទី​២៧ កក្កដា ថា ការ​ផ្តល់​គ្រឿង​ឥស្សរិយយស​ពី​ប្រធានាធិបតី​រុស្ស៊ី ដល់​លោក​នាយករដ្ឋមន្ត្រី ហ៊ុន សែន គឺ​គ្រាន់តែ​បង្ហាញ​ពី​ការ​រឹតចំណង​ការទូត​ល្អ​ប៉ុណ្ណោះ មិន​ពាក់ព័ន្ធ​នឹង​ឥទ្ធិពល​នយោបាយ​នោះ​ទេ។ លោក​អះអាង​ថា ទំនាក់ទំនង​រវាង​មេដឹកនាំ​កុម្មុយនីស្ត និង​មេដឹកនាំ​ផ្ដាច់ការ...

ពលរដ្ឋ​ខ្មែរ​អាមេរិកាំង​មួយ​ក្រុម​ពិគ្រោះ​យោបល់​អំពី​របៀប​គ្រប់គ្រង​ប្រទេស​ដោយ​រដ្ឋាភិបាល​របស់​លោក ហ៊ុន សែន

ពលរដ្ឋ​ខ្មែរ​អាមេរិកាំង​មួយ​ក្រុម​បាន​ជួប​ប្រជុំ​គ្នា​ក្នុង​សន្និសីទ​ប្រចាំ​ឆ្នាំ​មួយ ដើម្បី​បង្ហាញ ពិគ្រោះ ពិភាក្សា ប្តូរ​យោបល់ សួរ​សំណួរ ឆ្លើយ​សំណួរ​អំពី​របៀប​ដឹកនាំ​គ្រប់គ្រង​ប្រទេស​កម្ពុជា​ដោយ​រាជ​រដ្ឋាភិបាល ក្រោម​កិច្ច​ដឹកនាំ​ដោយ​នាយករដ្ឋមន្ត្រី ហ៊ុន សែន ប្រធាន​គណបក្ស​ប្រជាជន​កម្ពុជា​រយៈពេល​ជិត ៤០​ឆ្នាំ តាំងពី​មាន​រដ្ឋាភិបាល​ចម្រុះ​បក្ស​រហូត​ដល់​រដ្ឋាភិបាល​ឯកឯង ឬ​ឯក​បក្ស។

មន្ត្រី​បក្ស​ប្រឆាំង៖ កម្ពុជា​បច្ចុប្បន្ន​ក្លាយ​ជា​ទីលាន​ប្រជែង​នយោបាយ​ដោយ​គ្មាន​ភាព​ស្មោះត្រង់​ពី​មេដឹកនាំ​នយោបាយ​ធំៗ

មន្ត្រី​ជាន់ខ្ពស់​បក្ស​ប្រឆាំង រិះគន់​ថា កម្ពុជា​បច្ចុប្បន្ន​បាន​ក្លាយ​ជា​ទីលាន​ប្រជែង​ផ្នែក​នយោបាយ​ដោយ​គ្មាន​ភាព​ស្មោះត្រង់​នោះ​ទេ ព្រោះ​តែ​ការ​កេង​ចំណេញ​នយោបាយ​រៀងៗ​ខ្លួន បាន​ធ្វើ​ឲ្យ​បាត់បង់​នូវ​សីលធម៌ និង​គុណធម៌​របស់​មេដឹកនាំ​នយោបាយ​ទាំង​ភាគី​អតីត​មេ​បក្ស​ប្រឆាំង​លោក សម រង្ស៊ី និង​មេដឹកនាំ​បក្ស​កាន់​អំណាច​លោក ហ៊ុន សែន។ មន្ត្រី​ជាន់ខ្ពស់​គណបក្ស​សង្គ្រោះ​ជាតិ លោក មាជ សុវណ្ណារ៉ា បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​២៣ ខែ​កក្កដា ថា មេដឹកនាំ​នយោបាយ​កាន់​អំណាច​អាង​កម្លាំង​កម្ទេច ខណៈ​មេដឹកនាំ​ខាង​ប្រឆាំង​អាង​ឆ្កឹះឆ្កៀល​ឲ្យ​អ្នក​កាន់​អំណាច​លោត​តាម​ការ​ចង់​បាន​របស់​ខ្លួន ប៉ុន្តែ​ល្បែង​របស់​មេដឹកនាំ​ទាំង​ពីរ​នេះ​បាន​បង្ក​វិបត្តិ​នយោបាយ​ផ្ទៃក្នុង​ជាតិ ដែល​នាំ​ឲ្យ​ខ្មែរ​បែកបាក់​សាមគ្គី​យ៉ាង​ធ្ងន់ធ្ងរ។ លោក​អះអាង​ថា ការ​ធ្វើ​នយោបាយ​បែប​ឆ្កឹះឆ្កៀល​របស់​លោក...

ក្រុម​បញ្ញវន្ត​ខ្មែរ​ក្រៅ​ស្រុក​ថ្កោលទោស​រដ្ឋាភិបាល​កម្ពុជា​ចំពោះ​ការ​ចាប់ខ្លួន​អតីត​មេឃុំ​បក្ស​ប្រឆាំង​កញ្ញា កឹម តុលា

ចលនា​និស្សិត​ដើម្បី​លទ្ធិប្រជាធិបតេយ្យ (SMD) ថ្កោលទោស​ដាច់អហង្ការ​លើ​រដ្ឋាភិបាល​របស់​លោក ហ៊ុន សែន ដែល​បាន​ចាប់ខ្លួន​អតីត​មេឃុំ​ជាប់ឆ្នោត​មកពី​គណបក្ស​សង្គ្រោះ​ជាតិ កញ្ញា កឹម តុលា ថា​ជា​ការ​បំពាន​យ៉ាង​ធ្ងន់ធ្ងរ​លើ​គោលការណ៍​សិទ្ធិមនុស្ស និង​រដ្ឋធម្មនុញ្ញ​កម្ពុជា។ ការ​លើកឡើង​របស់​ចលនា​និស្សិត​ដើម្បី​លទ្ធិប្រជាធិបតេយ្យ គឺ​បន្ទាប់ពី​សមត្ថកិច្ច​ខេត្ត​កំពង់ស្ពឺ បាន​ចាប់ខ្លួន​មេឃុំ​ជាប់ឆ្នោត​មកពី​គណបក្ស​សង្គ្រោះ​ជាតិ ឃុំ​ត្រែងត្រយឹង ស្រុក​ភ្នំស្រួច ខេត្ត​កំពង់ស្ពឺ នៅ​ថ្ងៃ​ព្រហស្បតិ៍ សប្តាហ៍​នេះ។ ចលនា​និស្សិត​ដើម្បី​លទ្ធិប្រជាធិបតេយ្យ​ដែល​មាន​មូលដ្ឋាន​នៅ​ក្រៅ​ប្រទេស បាន​ចេញ​សេចក្តី​ថ្លែងការណ៍​ជុំវិញ​ការ​ចាប់ខ្លួន​អតីត​មេឃុំ​ជាប់ឆ្នោត​របស់​បក្ស​ប្រឆាំង នៅ​ថ្ងៃ​ទី​២៣ ខែ​កក្កដា ឆ្នាំ​២០២១ ថា ការ​ចាប់ខ្លួន​មេឃុំ​គណបក្ស​សង្គ្រោះ​ជាតិ​រូប​នេះ...

អ្នកវិភាគ៖ រដ្ឋាភិបាល​គួរតែ​ប្រើ​នីតិវិធី​ច្បាប់​បញ្ចប់​សកម្មភាព​អតីត​មេដឹកនាំ​ប្រឆាំង​លោក សម រង្ស៊ី

ក្រុម​អ្នក​ឃ្លាំមើល​សង្គម​លើកឡើង​ថា រដ្ឋាភិបាល​កម្ពុជា​ដែល​ជា​អ្នក​មាន​អំណាច​ពី​ពលរដ្ឋ​ខ្មែរ គួរតែ​ប្រើប្រាស់​នីតិវិធី​ច្បាប់​ដើម្បី​បញ្ចប់​សកម្មភាព​អតីត​មេដឹកនាំ​ប្រឆាំង​លោក សម រង្ស៊ី ដើម្បី​កុំ​ឲ្យ​រំខាន​ខ្លួនឯង និង​អ្នកដទៃ​តទៅទៀត។ អ្នកវិភាគ​នយោបាយ និង​សង្គម បណ្ឌិត ឡៅ ម៉ុងហៃ បាន​សរសេរ​លើ​គណនី Facebook របស់​លោក​នៅ​ថ្ងៃ​ទី​២២ ខែ​កក្កដា ថា មនុស្ស​វៃឆ្លាត​នឹង​មិន​ទៅ​អើពើ​ដឹង​ឮ មិន​ឆ្លើយ មិន​ឆ្លង មិន​ឈ្លោះ​ជាមួយ​មនុស្ស​ដែល​ត្រូវ​បាន​គេ​ចាត់ទុក​ជា​ទណ្ឌិត​អត់​បានការ គ្មាន​នរណា​យកចិត្ត​ទុកដាក់​នោះ​ទេ។ លោក​អះអាង​ថា រដ្ឋាភិបាល​កម្ពុជា​គួរតែ​សហការ​ជាមួយ​អង្គការ​នគរបាល​ព្រហ្មទណ្ឌ​អន្តរជាតិ​ដែល​គេ​ហៅ​កាត់​ថា អាំងទែរប៉ូល ឲ្យ​ចាប់​ខ្លួន​អតីត​មេ​បក្ស​ប្រឆាំង​រូប​នេះ​បញ្ជូន​ទៅ​កាត់ទោស...

Latest news