TAG
ហ៊ុន សែន
បក្សភ្លើងទៀនប្រារព្ធពិធីបុណ្យបង្សុកូលឧទ្ទិសកុសលដល់បាតុករដែលស្លាប់ក្នុងអំពើភេរវកម្មកាលពីជិត៣០ឆ្នាំមុន
គណបក្សភ្លើងទៀន ប្រកាសធ្វើពិធីបុណ្យបង្សុកូលនៅថ្ងៃសៅរ៍ ទី៣០ មីនា ចាប់ពីម៉ោង ៧ព្រឹកដល់ម៉ោង ១១ថ្ងៃត្រង់ នៅបរិវេណស្តូបវីរបាតុករមុខមន្ទីររដ្ឋសភាចាស់ ដើម្បីឧទ្ទិសបុណ្យកុសលដល់វិញ្ញាណក្ខន្ធវីរបាតុករដែលបានបាត់បង់ជីវិតដោយអំពើភេរវកម្មកាលពី ២៧ឆ្នាំមុន។
គណបក្សភ្លើងទៀន បានចេញសេចក្តីប្រកាសព័ត៌មានកាលពីថ្ងៃទី២៨ ខែមីនា ឆ្នាំ២០២៤ នេះថា គណបក្សនឹងធ្វើពិធីបុណ្យបង្សុកូលដើម្បីឧទ្ទិសកុសលជូនដល់វីរបាតុករដែលបានបាត់បង់ជីវិតដោយអំពើភេរវកម្មនៃការវាយប្រហារដោយគ្រាប់បែកដៃចំនួន ៤គ្រាប់ ដែលបានឈរទាមទារដោយសន្តិវិធីឱ្យមានការកែទម្រង់ប្រព័ន្ធតុលាការនៅមុខមន្ទីររដ្ឋសភាជាតិ កាលពីថ្ងៃទី៣០ ខែមីនា ឆ្នាំ១៩៩៧ កន្លងទៅនោះ។
កាលពីថ្ងៃទី៣០ ខែមីនា ឆ្នាំ១៩៩៧ កន្លងទៅ...
មន្ត្រីទម្លាយថាលោក ហ៊ុន សែន កំពុងរៀបផែនការតែងតាំងលោក ហ៊ុន ម៉ាណែត ជាប្រធានគណបក្សប្រជាជនកម្ពុជា
មន្ត្រីជាន់ខ្ពស់រដ្ឋាភិបាលថ្មីកម្ពុជាទម្លាយថា លោក ហ៊ុន សែន កំពុងរៀបចំផ្លាស់ប្ដូរមនុស្សក្នុងគណបក្សដែលមិនមែនជាបក្ខពួក និងវង្សត្រកូលរបស់គាត់ជាបន្តបន្ទាប់នៅពេលនេះ ដើម្បីសម្រេចផែនការគ្រប់គ្រងអំណាចមួយជំហានទៀត គឺតែងតាំងលោក ហ៊ុន ម៉ាណែត ជាប្រធានគណបក្សប្រជាជនកម្ពុជា លោក ហ៊ុន ម៉ានី និងលោក នេត សាវឿន នឹងត្រូវតែងតាំងជាអនុប្រធានគណបក្សផងដែរ។
មន្ត្រីជាន់ខ្ពស់រដ្ឋាភិបាលថ្មីរបស់លោក ហ៊ុន ម៉ាណែត ប្រាប់សារព័ត៌មាន The Cambodia Daily...
លោក ហ៊ុន សែន៖ ការទទួលខុសត្រូវរួមរបស់ប្រទេសក្នុងតំបន់គឺការរក្សាសន្តិភាពនិងសន្តិសុខក្នុងតំបន់អាស៊ី
មេដឹកនាំបក្សកាន់អំណាចលោក ហ៊ុន សែន លើកឡើងថា ការទទួលខុសត្រូវរួមរបស់ប្រទេសក្នុងតំបន់ទាំងអស់ គឺត្រូវរក្សាសន្តិភាព និងសន្តិសុខនៅក្នុងតំបន់អាស៊ីឱ្យបានដាច់ខាត ដើម្បីធានានូវការជំរុញឱ្យកាន់តែប្រសើរឡើងនូវការអភិវឌ្ឍឆ្ពោះទៅរកវិបុលភាពរួមគ្នានាពេលអនាគត។
មេដឹកនាំគណបក្សប្រជាជនកម្ពុជាលោក ហ៊ុន សែន លើកឡើងក្នុងពិធីបើកវេទិកា បូអាវ សម្រាប់អាស៊ី នៅទីក្រុងបូអាវ ខេត្តហៃណាន ប្រទេសចិន នៅថ្ងៃទី២៨ ខែមីនា ឆ្នាំ២០២៤ នេះថា តំបន់អាស៊ីមានភាពចាំបាច់ត្រូវធ្វើការរួមគ្នា ដើម្បីរក្សាបាននូវសន្ទុះជាវិជ្ជមាន ក្នុងនោះ សកម្មភាពរបស់ប្រទេសក្នុងតំបន់...
លោក ហ៊ុន សែន ចាកចេញពីកម្ពុជាទៅចូលរួមកិច្ចប្រជុំប្រចាំឆ្នាំនៃវេទិកាបូអាវ ក្នុងប្រទេសចិន
អតីតនាយករដ្ឋមន្ត្រីកម្ពុជាដែលកាន់អំណាចយូរជាងគេនៅក្នុងតំបន់អាស៊ាន លោក ហ៊ុន សែន ដែលបច្ចុប្បន្នជាប្រធានឧត្ដមក្រុមប្រឹក្សាផ្ទាល់ព្រះមហាក្សត្រ បានចាកចេញពីកម្ពុជានៅព្រឹកថ្ងៃទី២៧ ខែមីនា នេះ ដើម្បីចូលរួមក្នុងកិច្ចប្រជុំប្រចាំឆ្នាំនៃវេទិកា «បូអាវ» នៅប្រទេសចិន។
ក្រសួងការបរទេសកម្ពុជា ឲ្យដឹងថា បុរសខ្លាំងលោក ហ៊ុន សែន នឹងថ្លែងសុន្ទរកថានៅក្នុងពិធីបើកសន្និសីទក្រោមមូលបទ «អាស៊ី និងពិភពលោក ស្ដីពីបញ្ហាប្រឈម និងការទទួលខុសត្រូវរួម»។
វេទិកានេះមានការចូលរួមពីថ្នាក់ដឹកនាំរដ្ឋាភិបាល ធុរកិច្ច ស្ថាប័នសិក្សាស្រាវជ្រាវ អង្គការអន្តរជាតិ និងអង្គការតំបន់នានា...
លោក សម រង្ស៊ី អំពាវនាវឱ្យពលរដ្ឋចូលរួមជាមួយចលនាប្រជាធិបតេយ្យខ្មែរដើម្បីផ្លាស់ប្ដូរការដឹកនាំបែបគ្រួសារនិយម
លោក សម រង្ស៊ី អំពាវនាវឱ្យពលរដ្ឋខ្មែរអ្នកស្នេហាជាតិ អ្នកស្រឡាញ់ប្រជាធិបតេយ្យ ចូលរួមជាមួយនឹងចលនាប្រជាធិបតេយ្យខ្មែរ ដើម្បីផ្លាស់ប្ដូរការដឹកនាំតាមបែបគ្រួសារនិយមនៅកម្ពុជា ដែលកំពុងគ្រប់គ្រងអំណាចដោយពូជពង់វង្សត្រកូលនៃមេដឹកនាំគណបក្សប្រជាជនកម្ពុជាលោក ហ៊ុន សែន សព្វថ្ងៃនេះ។
អតីតមេដឹកនាំបក្សប្រឆាំងលោក សម រង្ស៊ី បានបង្ហោះវីដេអូខ្លីមួយនៅថ្ងៃទី២៦ ខែមីនា ឆ្នាំ២០២៤ នេះ ក្រោយពេលលោកចូលរួមក្នុងពិធីសម្ពោធចលនាប្រជាធិបតេយ្យខ្មែរក្នុងទឹកដីសហរដ្ឋអាមេរិកថា ចលនានេះគឺជាក្តីសង្ឃឹមរបស់ពលរដ្ឋខ្មែរគ្រប់និន្នាការនយោបាយទាំងអស់ ក្នុងការចូលរួមកសាងកម្លាំងដើម្បីសង្គ្រោះប្រទេសកម្ពុជាចេញពីកណ្ដាប់ដៃត្រកូលហ៊ុនដែលកំពុងរងនូវការគាបសង្កត់ជិះជាន់សព្វថ្ងៃនេះ។
លោក សម រង្ស៊ី អះអាងថា ចលនាប្រជាធិបតេយ្យខ្មែរ...
“សម្តេចពុកសន្តិភាព” សៀវភៅបង្ហាញពីកម្ពុជាមានមេដឹកនាំដ៏ខ្លាំងក្លាតែមិនរៀបរាប់របៀបដឹកនាំដ៏អនាធិបតេយ្យ
ក្រុមតស៊ូមតិនៅប្រទេសកម្ពុជា ថាសៀវភៅដែលមានចំណងជើងថា «សម្តេចពុកសន្តិភាព» ដែលពណ៌នាអំពីការដឹកនាំរបស់មេដឹកនាំបក្សកាន់អំណាចលោក ហ៊ុន សែន ដែលឆ្លុះបញ្ចាំងឲ្យឃើញថា ប្រទេសកម្ពុជាមានមេដឹកនាំដ៏ខ្លាំងក្លា ដែលអាចរំដោះសង្គមជាតិមួយនេះបាន តែមិនបានរៀបរាប់ពីការបញ្ចេញមតិដោយហិង្សា និងរបៀបដឹកនាំដ៏សែនអនាធិបតេយ្យ និងឃោរឃៅក្នុងរបបដឹកនាំរបស់គាត់នោះទេ។
ក្រុមតស៊ូមតិកម្ពុជា សរសេរលើទំព័រហ្វេសប៊ុកផ្លូវការរបស់ខ្លួនកាលពីថ្ងៃទី២៤ ខែមីនា ឆ្នាំ២០២៤ នេះថា មានរបាយការណ៍ជាច្រើនដែលបានផ្សព្វផ្សាយពីរូបភាពដ៏សែនអនាធិបតេយ្យដែលត្រូវបានប្រព្រឹត្តក្នុងរបបដឹកនាំរបស់គ្រួសារត្រកូលហ៊ុន ដែលមិនត្រូវបានចុះផ្សាយក្នុងសៀវភៅ «សម្តេចពុកសន្តិភាព» ដែលមន្ត្រីគណបក្សប្រជាជនកម្ពុជាបានរៀបរៀង និងបោះពុម្ពផ្សាយនៅពេលនេះ។
ប្រភពខាងលើដដែលលើកឡើងថា ក្រៅពីការនិពន្ធសៀវភៅលើកសរសើរគ្រួសារត្រកូលហ៊ុន ក៏មានការនិយាយបញ្ចើចបញ្ចើពីមន្ត្រីរាជរដ្ឋាភិបាលដែលគ្រប់គ្រងដោយត្រកូលហ៊ុនជាហូរហែដែរ។
អ្នកនិយាយកោតសរសើរត្រកូលហ៊ុន មានដូចជា...
ក្រុមអ្នកវិភាគ៖ ដំណើរទស្សនកិច្ចរបស់ប្រធានបក្សភឿថៃនៅកម្ពុជាគឺដើម្បីប្រយោជន៍ត្រកូលហ៊ុននិងត្រកូលស៊ីណាវ៉ាត្រា
ក្រុមអ្នកវិភាគនយោបាយ លើកឡើងថា ដំណើរទស្សនកិច្ចរបស់ប្រធានគណបក្សភឿថៃ អ្នកស្រី ផែថងថាន ស៊ីណាវ៉ាត្រា (Paetongtarn Shinawatra) ទៅប្រទេសកម្ពុជា ក្នុងនាមគណបក្សភឿថៃ និងគណបក្សប្រជាជនកម្ពុជា នៅពេលនេះ គឺដើម្បីរឹតចំណងបក្សនិងបក្ស គ្រួសារនិងគ្រួសារ សម្រាប់ផលប្រយោជន៍ត្រកូលហ៊ុន និងត្រកូលស៊ីណាវ៉ាត្រា តែប៉ុណ្ណោះ។
អ្នកវិភាគនយោបាយ និងជាប្រធានវេទិកាពលរដ្ឋលោក គឹម សុខ ប្រាប់សារព័ត៌មាន The Cambodia Daily...
មន្ត្រីសិទ្ធិមនុស្សអាដហុកខកចិត្តក្រោយរងបណ្ដឹងទារសំណងជំងឺចិត្តកន្លះលានដុល្លារដោយបក្សកាន់អំណាច
មន្ត្រីជាន់ខ្ពស់សមាគមការពារសិទ្ធិមនុស្សអាដហុក សម្ដែងការខកចិត្តក្រោយរងនូវបណ្តឹងទារសំណងជំងឺចិត្ត ៥០ម៉ឺនដុល្លារសហរដ្ឋអាមេរិកដោយគណបក្សប្រជាជនកម្ពុជា។
អ្នកនាំពាក្យសមាគមការពារសិទ្ធិមនុស្សអាដហុក ត្អូញត្អែរថា លោកបានធ្វើការងារក្នុងអង្គការក្រៅរដ្ឋាភិបាលជាង ២០ឆ្នាំមកហើយ ទោះជាជួបឧបសគ្គយ៉ាងណា ក៏លោកនៅតែអាចទទួលយកបាន ប៉ុន្តែអ្វីដែលគួរឱ្យសោកស្តាយបំផុតនោះ គឺលោកបានរងនូវបណ្តឹងដ៏ធំមួយពីគណបក្សប្រជាជនកម្ពុជា ដែលប្តឹងទារសំណងជំងឺចិត្តពីរូបលោករហូតដល់ ៥០ម៉ឺនដុល្លារ ដែលជាការទាមទារមួយធ្វើឱ្យរូបលោកពិបាកទទួលយកបំផុត។
អនុប្រធានសមាគមការពារសិទ្ធិមនុស្ស និងអភិវឌ្ឍន៍នៅកម្ពុជា ដែលហៅកាត់ថា “សមាគមអាដហុក” លោក ស៊ឹង សែនករុណា សរសេរលើគណនីហ្វេសប៊ុករបស់ខ្លួននៅថ្ងៃទី១៤ មីនា នេះថា រយៈពេលជាង ២០ឆ្នាំក្នុងការងារលើវិស័យសង្គមស៊ីវិល...
អ្នកនាំពាក្យរាជរដ្ឋាភិបាលសរសើរស្ញប់ស្ញែងអតីតប្រមុខរដ្ឋាភិបាលថាជាវីរបុរសសិទ្ធិមនុស្ស
ក្រុមអ្នកឃ្លាំមើលសង្គមចាត់ទុកការលើកឡើងពីប្រធានអ្នកនាំពាក្យរាជរដ្ឋាភិបាលកម្ពុជា លោក ប៉ែន បូណា ដែលអះអាងថា មេដឹកនាំបក្សកាន់អំណាចលោក ហ៊ុន សែន ជាវីរជនសិទ្ធិមនុស្សពិតប្រាកដនៅប្រទេសកម្ពុជា គឺជាការបំភ្លៃការពិត និងនិយាយក្នុងបំណងដើម្បីចង់បានផលប្រយោជន៍ផ្ទាល់ខ្លួនពីលោក ហ៊ុន សែន តែប៉ុណ្ណោះ។
អ្នកវិភាគនយោបាយ និងជាប្រធានវេទិកាពលរដ្ឋលោក គឹម សុខ ប្រាប់សារព័ត៌មាន The Cambodia Daily នៅថ្ងៃទី១២ មីនា នេះថា...
តុលាការចាប់ផ្ដើមស៊ើបអង្កេតបណ្តឹងរបស់បក្សប្រជាជនលើលោក ស៊ឹង សែនករុណា អ្នកនាំពាក្យអាដហុក
សាលាដំបូងរាជធានីភ្នំពេញ ចាប់ផ្ដើមស៊ើបអង្កេតលើសំណុំរឿងបណ្តឹងបរិហារកេរ្តិ៍ដែលគណបក្សប្រជាជនកម្ពុជាប្ដឹងលោក ស៊ឹង សែនករុណា អ្នកនាំពាក្យសមាគមអាដហុក (Adhoc) ដោយកោះហៅភាគីទាំងសងខាងចូលបំភ្លឺកាលពីថ្ងៃទី៥ ខែមីនា ឆ្នាំ២០២៤។
អ្នកនាំពាក្យសាលាដំបូងរាជធានីភ្នំពេញលោក ប្លង់ សុផល បានបញ្ជាក់នៅថ្ងៃទី០៥ ខែមីនា ឆ្នាំ២០២៤ នេះថា តំណាងអយ្យការសាលាដំបូងរាជធានីភ្នំពេញបានចាប់ផ្ដើមដំណើរការនីតិវិធីនៃការស៊ើបអង្កេត និងបានកោះហៅភាគីទាំងអស់ ដើម្បីស្តាប់ចម្លើយ និងប្រមូលព័ស្តុតាងក្នុងសំណុំរឿងគណបក្សប្រជាជនកម្ពុជាប្ដឹងលោក ស៊ឹង សែនករុណា។
យោងតាមដីកាកោះរបស់លោក ប្លង់ សុផល តំណាងអយ្យការអមសាលាដំបូងរាជធានីភ្នំពេញ...